NGARAK KEMANTEN

 

NGARAK KEMANTEN

Karya Ustadz Muttaqin Anang Toha

Kapak-kapak gibing-gibing,

Kapak-kapak gibing-gibing,

Kapak-kapak gibing-gibing,

Pak gibing-gibing, pak!

Siru nian di depan laman,

Tue mude bejalan santai,

Cual-cuel, senge-senge, sambel benesan,

Budak kecik ngacar ke depan.

**Kemanten...**

**Ade kemanten...!**

Yaa... belagak nian kemanten jantan,

Gagah pule cak pangeran tampan,

Baju rapi, langkah beraturan,

Sepadan dengan kemanten betine,

Cantek menawan,

Senyumnye manis sedap dipandang.

Kapak-kapak gibing-gibing,

Kapak-kapak gibing-gibing,

Pak gibing-gibing, pak!

Juang-juit,

Juang-juit,

Pecak nian di atas kapal,

Sesekali teperek laju saling bepegangan tangan,

Soda tu jadi maluan sorang.

Nah, ade juge penganten kecik di belakang,

Yaa... lucunye naek kude-kudean,

Soda ike pasti die dijulang,

Diuntal kayek sebelum sunatan.

Upahnye?

Gelok penoh duit,

Ditambah sugus untuk minuman,

Tetawe teros sepanjang jalan,

Bangge nian lah sanggup ngomong sorang

Tak sunatlah gancang

Kapak-kapak gibing-gibing,

Kapak-kapak gibing-gibing,

Pak gibing-gibing, pak!

Sedusun angat nenggak gale keladasan,

Bekeliling dusun gembire nian,

Meri tau seluruh urang

Tegal lagi nak bebesanan.

Sekalian ngundang,

Kelam luse nak tetak contok,

Dengan terjun kayek bebarangan. 

Kapak-kapak gibing-gibing,

Kapak-kapak gibing-gibing,

Pak gibing-gibing, pak!

**Ngarak Kemanten...**

Tradisi yang lame la ilang,

Entah ape tak katek lagi yang pacak muat arak-arakan,

Atau lah malu diliat urang di sepanjang jalan.

Atau jangan-jangan,

Tradisi ike lah dianggap ketinggalan jaman...

Padahal di dalamnye ade cerite dan kebanggaan,

Ade tawe, ade suke yang nak ditunjukkan,

Ade silaturahim dan kerukunan, 

Yang tak dibeli dengan duit dan kecanggian

**Sayang...**

**Sayang nian...**

Kalu tradisi ike benar-benar ilang,

Bukan cuma arak-arakan yang sayang,

Kenangan gede munyang pacak jadi milu tengelam.

Kapak-kapak gibing-gibing,

Kapak-kapak gibing-gibing,

Kapak-kapak gibing-gibing, 

Pak gibing-gibing, pak

Gibing-gibing-gibing-gibing.....

Merindu dari Rantauan

Ahad, 4 Oktober 2026