NYARI BUAH GELAP SUBOH

NYARI BUAHAN

Karya Ustadz Muttaqin Anang Toha

O' ooooo'

Ngeliut-liut badan

Blor mane blor 

Oh ike die

Kletek... Kletek... 

Ngiiit dur

Lap…lap..lap

Srek... Srek... 

Nah ole.. Nah ole... 

Ole lagi... Ole lagi

Tak terase kemang, pelam, rambutan, kedondongan jawe lah due kantong

Srek... Srek... 

Gedebuk.. 

Nah...niok, itu niok gugor

Sat... langsung diopong

Woii lah dapat aku.... dapat aku

Hah.... 

Tekenang gale

Gawe bilini

Dang lagi kecik

Tiap suboh bahkan sebelum suboh

Keluar rumah mawe blor

Ngacar-ngacar bejalan ke darat

Kadang ole banyak 

Kadang ole dikit

Kadang ole tapi seruek gale

Kadang tu juge tak ole sebuah pun

Ssstt. 

Laju ngotok dengan pelungkoran

Atau nyulok dengan kayu sebatang

Leman juge dinaek i nian

He he he

Maseh dak e bak kari? 

Cak gawe aku duluni? 

Caknye katek lagi

Tak katek lagi batang buahan

Budak-budak lah banyak tidok kesiangan

Tak berangkat mun tak dijagekan

Kadang lah dioyak-oyak badan

Maseh bae mate tepejam

HP... ye nian.. HP

Banyak game dan tontonan

Kapan tidok lah dalu nian

Suboh telewat sekolah pun telambat datang

Ya Allah

Pacak dak balek cak duluni?

Dah... 

Tak kan pacak lagi!

Merindu dari Rantauan

Taba, Sabtu siang, 26 September 2026